ترانہ مدرسہ تحفیظ القرآن

ترانہ مدرسہ تحفیظ القرآن،ایجوکیشنل ٹرسٹ،مالونی، ملاڈ ممبئی ویسٹ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔

ازقلم: محمد انوار الحق داؤد نادمؔ قاسمی حیدرآباد

رابطہ نمبر:9177935098

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہے لعل گہر سے بھی بڑھکر، یہ مدرسہ تحفیظ القرآن

اللہ کی رحمت کا مظہر، یہ مدرسہ تحفیظ القران

 *جو علم و عمل کے پیاسے ہیں پاتے ہیں یہاں پر سیرابی*

 *اس دینی چمن پہ رہتی ہیں، ہر لمحہ عنایاتِ ساقی*

 *ملتی ہے یہاں ہر طالب کو، تعلیمِ حدیث و قرآنی*

 *ظاہر بھی منوّر ہوتا ہے، بڑھتی ہے حیاتِ روحانی*

 *تجوید یہاں، تفسیر یہاں، جینےکی نئ تدبیر یہاں*

 *آنکھوں میں سجائے خوابوں کو، ملتی ہے حسیں تعبیر یہاں*

 *ملت کے جیالے، آ آ کر، پاتے ہیں وفا کا نور یہاں*

 *دل ذکرِ خدا، ذکرِ سنت، سے رہتا ہے معمور یہاں*

 *اس شمعِ یقیں کی برکت سے، جلتا ہے چراغِ علم و عمل*

 *دنیا کو اسی در سے ملتا، ہے امن و سکوں، ہر درد کا حل*

 *معیار ہمارا وحدت ہے، سنت ہے، صحابہ کی سیرت*

 *کیوں مٹ نہ سکا طوفانوں سے، اس پر ہے زمانہ کو حیرت*

 *جانا ہے زمیں سے تابہ فلک، ہے عزم ہمارا مستحکم*

 *جب وقت پڑے تو شعلہ ہیں، موقع ہوتو ہیں مثلِ شبنم*

 *شاکؔر کایہ نورانی گلشن، تاحشرخدا آباد رہے*

*نادمؔ کی دعاء ہے ہرمشکل،ہرغم سےسداآزاد رہے*

*12/شعبان المعظم/1445ھ مطابق 23/فروری/2024ء/بروزجمعہ/2/بجےدن۔*