دیس میں میرے

📝۔۔۔۔۔۔۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔۔۔۔۔۔📝

اس طرح سے جے رام ہوئی دیس میں میرے

نفرت کی فضا عام ہوئی دیس میں میرے

راتوں میں نہیں چین،نہ دن میں کوئی راحت

یوں صبح ہوئی،شام ہوئی دیس میں میرے 

انسان ہی انساں کا گلا ریت رہا ہے

اب جان بھی بے دام ہوئی دیس میں میرے

مذہب کے حسیں نام پہ اک خون کی ہولی

ہر موڑ پہ ہر گام ہوئی دیس میں میرے

گر آپ مسلماں ہیں تو مر جائیے گھٹ کر

اب سانس بھی دشنام ہوئی دیس میں میرے 

اے میرے خدا!!!کر کے مساجد کو زمیں بوس

آرائشِ اصنام ہوئی دیس میں میرے 

ہر چیز پہ آثارِ قیامت ہیں نمایاں

یوں گردشِ ایام ہوئی دیس میں میرے

نسیم خان