غزل

📝۔۔۔۔۔۔۔۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔۔۔۔۔۔۔۔📝

خلش نہ سوز،، نہ دل میں شہاب ہے،،حد ہے!!!

اے نوجوان!! یہ عہدِ شباب ہے،، حد ہے!!!

امیر شخص پہ سونا عذاب ہے،، حد ہے!!!

غریب شخص کی آنکھوں میں خواب ہے حد ہے!!

نیا یہ دور ہے اس کے نئے تقاضے ہیں

نیا یہ دور بھی لیکن سراب ہے،،حد ہے!!!

بہت قریب سے دیکھا ہے مَیں نے دنیا کو

ہر ایک شخص یہاں بے حجاب ہے،،حد ہے!!!

لگا ہے خون ترے دانت پر غریبوں کا

امیرِ شہر تُو عزت مآب ہے،،حد ہے!!!

محض ہے عکس سا جس کا مرے تخیل پر

وہ ایک شخص مرا انتخاب ہے،،حد ہے!!!

وہ میرے ساتھ ہی ہنستا ہے اور روتا ہے

مرا تو یار بھی حاضر جواب ہے،، حد ہے!!

رگِ حیات کا یک لخت بند ہو جانا

تمام عمر کا لب لباب ہے،،،حد ہے!!!

مری پسند کا معیار بھی نرالا ہے 

مری نگاہ میں کانٹا گلاب ہے،،حد ہے!!!

ہیں رفتگاں سے مراسم ابھی تلک تیرے

نسیم ہاتھ میں تیرے کتاب ہے،، حد ہے!!!

نسیم خان