غزل

📝۔۔۔۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔۔📝

ہم سے نہ کچھ کلام کِیا اور چل دئیے

یاروں نے بس سلام کِیا اور چل دئیے

خوش ہیں،،امیرِ شہر یہ ہم سوچ سوچ کر

جینا تِرا حرام کِیا اور چل دئیے

دنیا میں کتنے سال رہے کیا بتائیں ہم!!

اک آدھ دن قیام کِیا اور چل دئیے

اب منحصر ہے دل پہ وہ کس راہ لے چلے

اپنا اُسے امام کِیا اور چل دئیے

اشعار کے سفر میں معانی ملے ہمیں 

لفظوں کو بس غلام کِیا اور چل دئیے

 اردو زباں سے عشق کا اظہار یوں کِیا

صنفِ غزل میں نام کِیا اور چل دئیے

ظلمت کدوں میں ہم نے جلا کر دیے نسیم

حصہ کا اپنے کام کِیا اور چل دئیے 

نسیم خان