فلک سے پھر کوی ٹوٹا ہے تارا۔۔۔

فلک سے پھر کوٸی ٹوٹا ہے تارا۔۔۔

😭

 خراجِ عقيدت  بروفات  سلطان المناظرین حضرت مولانا سید محمد طاہرحسین گیاوی رحمۃ اللہ علیہ

نتیجۂ فکر : جمشيد جوہر 

قلم لکّھے تو کیا لکّھے  بےچارا ،  یادِ طاہر میں

جگر چھلنی ہے، دل ہے  پارہ پارہ یادِ طاہر میں

بڑا انمول ہیرا تھا جو کھویا ہم نے آج اپنا

کہے اشکوں کا ہر قطرہ ہمارا  یادِ طاہر میں

فقط ہندوستاں تنہا نہیں ہے آپؒ کے غم میں

ہاں روتے ہیں سمرقند و بخارا یادِ طاہر میں

پھلے پھولے تھے جن کی سرپرستی میں زمانے تک

 وہ اب مغموم ہے ہر اک ادارہ  یادِ طاہر میں

کہاں ملتا ہے؟ ایسا ، اور لوگوں کی جداٸی پر

جو دیکھا آج ہے میں نے نظارہ یادِ طاہر میں

اٹھے گا جب کوٸی فتنہ تو یاد آۓ گی حضرتؒ کی

مگر جلسہ نہیں ہوگا دو بارہ یادِ طاہر میں

جہاں اپنوں پہ شفقت آپؒ فرماتے تھے جی بھر کر

مخالف کا بھی ہوتا تھا گزارہ  یادِ طاہر میں

اندھیرا اس لۓ بھی چھارہا ہے آج اے جوہر 

فلک سے پھر کوٸی ٹوٹا ہے تارا  یادِ طاہر میں

✴️

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔