ارشاد التجوید

ازقلم:حضرت مولانا محمد انوار الحق نادم قاسمی صاحب حفظہ اللہ مدھوراپوری سیتامڑھی بہار حال مقیم حیدرآباد

استاذ حدیث مدرسہ عبداللہ بن مسعود رضی اللہ عنہ حیدرآباد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آج تک قائم ہے ہرسو دبدبہ قرآن کا

تا تا ابد باقی رہے گا معجزہ قرآن کا 

ہر جہت سے ہے جہاں بھر کی ہدایت کے لئے

پڑھ کے خود سے دیکھیے نا ترجمہ قرآن کا

اپنی اپنی خامیاں سب کو نظر آجائے گی

اس قدر شفاف ہے ہر آئینہ قرآن کا

حسن لہجہ میں تلاوت ہو تو یہ تجوید ہے

رب تک پہونچا ہی دے گا راستہ قرآن کا

یوں تو دس دس نیکیاں ملتی ہیں ہر ہر حرف پر

ان گنت محشر میں پائیں گے صلہ قرآن کا

کوئی بدلا ہے نہ بدلے گا کبھی قرآن کو

حامی وناصر محافظ ہے خدا قرآن کا

عمدہ مجموعہ ہے یہ تجوید کے عنوان پر

قاریٔ قرآن ہی پاے گا مزا قرآن کا

اس کو ہے تائید حاصل حضرت سلمان کی

مستند ہے چونکہ اس میں قاعدہ قرآن کا

دیکھ کر اس کو دعا دیتے ہیں یوں عبد الرشید

سب کو سمجھا دے خدایا مرتبہ قرآن کا

پڑگیا ویشالوی کا اس پہ نظر اعتبار

نور فن ہر لمحہ چمکے جابجا قرآن کا

ہیں اشاعت میں معاون یہ شعیب احمد گلاب

ہو عزیز قاسمی بھی ہم نوا قرآن کا

اس کی تاریخ طباعت چودہ سو اور چار چار

معترف ہوجائے ہر شاہ وگدا قرآن کا

ہو مبارک تجھ کو یہ تالیف مامون الرشید

کارنامہ دل رُبا ہے خوش نما قرآن کا

کامیابی کی تمنّا ہے اگر دارین میں

دل سے نادم مانیے ہر فیصلہ قرآن کا