نعت شریف

  ازقلم: حضرت مولانا محمد انوار الحق نادم قاسمی صاحب حفظہ اللہ مدھوراپوری سیتامڑھی بہار استاد حدیث وفقہ مدرسہ عبداللہ بن مسعود رض حیدرآباد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دل بیقرار کی آرزو دل مضطرب کی پکار ہے

تیرے ہجر میں ہے شکستہ دل تیرے وصل میں ہی قرار ہے

کوی چاہتا ہے وہ زندگی ملے زندگی میں دوام بھی

اسی آستاں سے چمٹ بھی جا جو چمن میں جان بہار ہے

تیرا ذکر وجہ سرور ہے تیری یاد وجہ سکون ہے

اور تیرے بغیر یہ زندگی میری زندگی پہ ہی بار ہے

تیری بحر نعت کی وسعتوں میں ہے گم یہ نادم بے نوا 

میرا مال وزر میری جان وتن اسی مہرباں پہ نثار ہے