رخصتی نامہ

  

برائے دختر مولانا محمد محسن علی قاسمی رتن پوری 

ازقلم: ابنِ داؤد نادمؔ قاسمی حیدر آباد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پھر گلشنِ محسن میں، خوشیوں کی گھٹا چھائی

 

خوش رنگ فضاؤں میں، پُرکیف بہار آئی 

بوبکرؔ ہوں بوذرؔ ہوں، محمودؔ ہوں عارفؔ ہوں

تقریبِ وداعی سے، سب خوش ہیں بہن بھائی

دیتے تھے دعاء یوسفؔ ،مظہر بھی یوں اشرفؔ بھی

ان سب کی دعاء بے شک، ہر رنگ میں کام آئی 

مہمانِ گرامی سے، پُرنُور ھے یہ محفل 

سنت کی کشش سب کو، اس بزم میں لے آئی 

اک رسم ادا ہوگی، اک فرض ادا ہوگا

طاعت ہی سے ملتی ھے، بس رب کی پذیرائی

تقویٰ کی نصیحت ھے،ممتازؔ کو عفّتؔ کو

ہر لمحہ رہیں دونوں، اللہ کا شیدائی

جذباتِ تشکُّر کو، دل میں یہ رکھیں تازہ

دونوں نے نئی نعمت، مِنجانبِ رب پائی

الفت رہے مُستحکَم، دونوں میں ہر اک لمحہ

دونوں کے روابط میں، بڑھتی رہے گہرائی

جس گھر میں عقیدت سے، تعمیلِ شریعت ہو 

اترے گی وہاں رحمت، مجمع ہو یا تنہائی

پھولوں کی طرح تازہ، خوشبو کی طرح مخفی

کردار کی طاقت ہو، اک وجہِ شناسائی

سب اہلِ تعلق کے، دل کی یہ تمنّا ھے

رونق ہو رتن پُر میں، دوگھرا میں ہو رعنائی

دولہا کے لئے دل سے، دیتا ھے دعا نادمؔ 

دلہن کو بھی یااللہ! دے تاب و توانائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تاریخِ نکاح: 17/اگست/2022 مطابق 18/ محرم/1444ھ چہارشنبہ