منظوم خراج عقیدت

بخدمت : حضرت الاستاد

 مفتی سعید احمدصاحب پالن پوری

   نوّراللہ مرقدہ

سابق شیخ الحدیث وصدرالمدرسین دارالعلوم دیوبند، سھارنپور، یوپی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 نتیجۂ فکر: 

 محمد انوارالحق داؤدقاسمی مدھوراپوری سیتامڑھی بہار 

استاد: مدرسہ عبداللہ بن مسعودؓ، حیدرآباد (تلنگانہ)

🖊️🖊️🖊️🖊️🖊️🖊️

سعیدِملّت کی داستانِ حیات دل سےسنارہاہوں

حسین یادوں کے بیتےلمحے،سناکےتسکین پارہاہوں 

وہ اہلِ سنّت کےترجُماں تھے، ہمارے مفتی سعیؒد احمد 

علومِ قاسؒم کے پاسباں تھے، ہمارے مفتی سعیؒد احمد 

وہ ابنِ یوسف، جہان بھرمیں، مثالِ یوسف تھاحسنِ فن میں 

بناکلی سے وہ اک حسیں گل، وہ گل سے، گلشن بناچمن میں 

وہ یادگارِ حبیؔب وہاشؔم، نذؔیروداؤؔداوراکؔبر

وہ عبدِ رحمؔاں کی محنتوں سے بنا مُعاصِر میں سب سے برتر 

کبھی وہ چھاؔپی، کبھی مَظاؔھر،کبھی وہ دیوبؔندکی زمیں پر 

کہیں پہ سیکھانَوائےخُوشتر،کہیں پہ طرزِادائےدلبر 

وقارؔ وصؔدّیق و مفتی یحؔیٰ ،علومِ عبدالؔعزیز پی کر

ہراک کی خوبی جھلک رہی تھی "سعید احمؒد "کی زندگی پر 

نصیرؔواخترؔبشیرؔ وطیّبؔ ،ظھؔورواسلامؔ اعظمی سے

کسی سےپایاطلب کاگوھر، وہ سوزوسازوتڑپ کسی سے

نِگاہِ فَخؔرَیْنؔ سے وہ پی کربنےتھےخود، علم کے سمندر

جہانِ علم و ہنرمیں رب نےدیا،انہیں فطرتِ سکندر

مَذَاقِ مھؔدی حسن، بَراھیم،ان کےپہلومیں جَلوہ گرتھا 

وہ فنِّ تحقیق کاشِنَاوَر، ہرایک میداں میں معتبرتھا

رُمُوزواسرارِدینِ حق کا وہ دِیدَہ وَربھی تھا، نُکتہ داں، بھی 

وہ مَعرِفَت کی حسین راہوں کارھنُمابھی تھا، رازداں، بھی

ولیؔ کی فکرونظرکاشیدا،وہ شارحِ علمِ شاہ انورؔ 

تھادرس و تدریس میں ہمیشہ، انہیں کےطرزواداکاخُوگر 

وہ اکتسابِ فیوضِ محمودؔ سےکُھلی انکےدِل کی گِرہیں 

مَعِیَّتِ حضرتِ مُظفَّرؔسےجَل گئی دردِدِل کی شمعیں 

وہ جان، جوکَھم میں ڈال کرکے، متاعِ علم وہُنرلُٹایا 

کتاب وسُنّت کی ترجُمانی کا، پُرکشش طرزِ نَوْ سِکھایا

وہ شارِحِ تِرمِذی، بُخاری، وہ کاشفِ نُکتہ ہائے " حُجَّۃ"

کیاھےحکمت سےآشکارا، وہ رازہائے کتابِ فطرت

فُنُون کی تَہ تَلک رِسائ کو، اس نےآسان کردیاھے 

یوں، نَسلِ نَوْ پرسلیقہ مندی سے،اس نےاحسان کردیاھے

حدیث فھمی، کی خوبیوں میں، تھاامتیازی مَقام حاصل 

وہ دے کےلفظوں کوحُسنِ معنیٰ، عطاء کیا سب کوفھمِ کامِل

یوں، فنِّ تدریس میں کوئ بھی، نہ انکاہَم سَر، نہ کوئ ثانی 

مِثالِ ابرِ بَہار بن کر، سکھادِ یالُطفِ زندگانی 

وہ عاشقِ حق، مُحِبِّ احمدؐ، تھا اپنےاَسلاف کی نشانی 

تھا آبرُوئےعلوم وعِرفاں!سَداکیاحَق کی ترجُمانی

وہ اِ س تَغَیُّرپَذیر دُنیاکے، 

 پیچ وخَم سےبھی آشنا تھے

وہ دین ودُنیاکی کشتیوں کا شعور انگیزناخُدا،تھے

ہمارے حضؒرت کافیضِ علمی، جہان بھرمیں ہواھےجاری

کچھ اس اداسےکیاتھااس نے،مِزاجِ علمی کی آبیاری 

تھی ایسی ہستی،کہ نازکرتاتھاجن پہ ، دارالعلوم ہردم

کہ ذرّہ ذرّہ بَہارہاھے، وفات پرانکی،اشکِ پیہم 

وہ پیش گوئ ہوئ مکمّل،بنی رہی شخصیت مُسلّم 

وہ ہرجگہ بن کے" زیبِ محفل" رھےوہ محبوب اورمُکرّم

بَفَضلِ رحماں دیاھےانجام ، اس نےتابندہ 

کارنامہ 

بھُلاسکےگاکبھی نہ ہرگز، اَبَد تَلَک اس کویہ زمانہ 

تمام وابستگانِ شیؔخ الحدیث کودےخُدا تسلّی 

لَحد پہ انکی ، تیرے کرم سے، سَدا رھے شبنمی تَجَلّی 

دعاءِ نادمؔ ھےتجھ سے یار ب! تو اپنی بخشش کو عام کردے 

اور اپنی رحمت کواُن کی تُربَت پہ، تااَبَد انکے نام کردے